Халықаралық көлік-гуманитарлық университеті И. Раззаков атындағы Қырғыз мемлекеттік техникалық университетімен және Қырғызстан халықаралық университетімен бірлесіп 2026 жылғы 23–24 сәуір күндерістуденттер мен магистранттардың ғылыми-зерттеу жұмыстары бойынша Халықаралық байқау (CҒЗЖ / МҒЗЖ) өткізілетінін хабарлайды.
Байқаудың мақсаты – білім алушылардың ғылыми-зерттеу қызметін дамыту, дарынды студенттер мен магистранттарды анықтау және қолдау, сондай-ақ Қазақстан Республикасы, Қырғыз Республикасы және басқа да елдердің жоғары оқу орындары арасындағы ғылыми және академиялық ынтымақтастықты кеңейту.
Байқау келесі дайындық бағыттары бойынша өткізіледі:
- Менеджмент;
- Есеп және аудит;
- Экономика (екі деңгей бойынша);
- Қаржы (екі деңгей бойынша);
- Кеден ісі;
- Көлік, көлік техникасы және технологиялары
- Машина жасау
- Көлік тасымалдарын ұйымдастыру, қозғалыс және көлікті пайдалану (екі деңгей бойынша);
- Логистика (екі деңгей бойынша);
- Ақпараттық-коммуникациялық технологиялар;
- Сәулет және қала құрылысы (екі деңгей бойынша).
Байқауға Қазақстан Республикасы, Қырғыз Республикасы және басқа да шетелдік жоғары оқу орындарының студенттері мен магистранттары шақырылады.
Қатысуға жіберіледі: 3–4 курс студенттері, магистранттар.
Ғылыми-зерттеу жұмысы екі адамға дейінгі командамен келесі ғылыми жетекшілердің жетекшілігімен орындалады: профессор, доцент, аға оқытушы.
Кандидаттарды ұсыну құқығы жоғары оқу орындарының өздерімен анықталады.
Байқаудың жұмыс тілдері: қазақ тілі, қырғыз тілі, орыс тілі, ағылшын тілі.
Байқау қашықтық форматта өткізіледі және екі кезеңнен тұрады:
I кезең – ғылыми-зерттеу жұмысын әзірлеу және дайындау.
II кезең – байқау материалдарын ұйымдастыру комитетіне ұсыну және байқау комиссиясының жұмысы.
Байқау материалдарын қабылдау мерзімі – 2026 жылғы 20 сәуірге дейін.
Байқау нәтижелері бойынша келесі жүлделі орындар анықталады:
I орын – 1 команда;
II орын – 3 команда;
III орын – 4 команда.
Жеңімпаздар мен жүлдегерлер дипломдармен және сертификаттармен марапатталады.
Қосымша ақпарат. Ғылыми-зерттеу жұмыстарын рәсімдеуге қойылатын толық талаптар, сондай-ақ байқауды өткізу тәртібі әрбір бағыт бойынша осы ақпараттық хатқа қоса берілген ақпараттық хаттарда және Халықаралық байқауды өткізу туралы Ережеде көрсетілген.