Бөлімшелер

Білім беруді цифрландыру бөлімі – университеттің құрылымдық бөлімшесі болып табылады және білім беру процесіне цифрлық технологияларды енгізуді, дамытуды және сүйемелдеуді қамтамасыз етеді.

Бөлімнің негізгі мақсаты – білім сапасын арттыруға, академиялық үдерістердің ашықтығын қамтамасыз етуге және университетті басқарудың тиімділігін көтеруге бағытталған заманауи цифрлық білім беру ортасын қалыптастыру.

• оқытудың барлық деңгейлері мен нысандары бойынша білім беру процесінде ақпараттық технологияларды қолдану әдістемелерін әзірлеу және жаңарту;
• университеттің ақпараттық жүйелерін әкімшілендіру, дамыту және сүйемелдеу;
• университеттің ақпараттық жүйелерін мемлекеттік және сыртқы білім беру платформаларымен интеграциялауды қамтамасыз ету;
• білім беруді цифрландыру және ақпараттандыру бағдарламаларын әзірлеуге және іске асыруға қатысу;
• онлайн-тестілеу және электрондық аттестаттау үдерістерін ұйымдастыру және сүйемелдеу;
• оқу процесін цифрландыру мәселелері бойынша кафедралар мен құрылымдық бөлімшелерге әдістемелік және консультациялық қолдау көрсету;
• білім алушылар мен профессор-оқытушылар құрамын ақпараттық жүйелермен және білім беру платформаларымен жұмыс істеуге оқыту;
• оқу жоспарларын, жеке оқу жоспарларын (ЖОЖ), ПОҚ жүктемесін ақпараттық жүйелерде қалыптастыру үдерістерін сүйемелдеу;
• білім алушыларды пәндерге тіркеу үдерістеріне техникалық қолдау көрсету;
• Жоғары білім берудің бірыңғай платформасы (ЖБББП) және басқа мемлекеттік ақпараттық ресурстардағы деректердің дұрыстығы мен толықтығын мониторингтеу;
• электрондық білім беру ресурстарын сақтау, жүйелеу, каталогтау және жаңарту жұмыстарын қолдау;
• білім беру процесіне жаңа бағдарламалық және техникалық құралдарды енгізу мәселелері бойынша ПОҚ пен қызметкерлерге консультация беру.